Директорлар кеңесі

Компания туралы

Директорлар кеңесі

Нұрлан Құсайынов

Директорлар кеңесінің төрағасы

Құсайынов мырза АХҚО-ға келерден бұрын екі жыл бойы Қазақстанның Ұлттық Банкі төрағасының орынбасары қызметін атқарды, Қазақстанның Даму Банкін басқарды, Al Falah Partners тікелей инвестициялар қорында Басқарушы серіктес ретінде жұмыс істеді, «Маркетингтік-талдамалық зерттеулер орталығы» АҚ-ны басқарды, ҚР Экономика және бюджеттік жоспарлау министрінің кеңесшісі, Женева қаласындағы Дүниежүзілік сауда ұйымына кіру мәселелері бойынша ҚР Индустрия және сауда министрлігінің арнайы тобының жетекшісі болды.

Қазақ мемлекеттік басқару академиясын және Стенфорд бизнес мектебін бітірді.

Лю Шаотун

Директор

Шаотун мырза Партия комитетінің мүшесі және Шанхай қор биржасының атқарушы вице-президенті болып табылады.

Орталық қаржы және экономика университетінің Қаржы факультетінің Экономика магистрі, сонымен қатар Жэньминь университетінің Құқық бакалавры дәрежесі бар. Чикаго университетінде қоғамдық саясат саласында оқудан өтті.

Темірлан Мұханбетжанов

Директор

Мұханбетжанов мырза АХҚО-ның активтерді және жеке банктік қызметтер нарықтарын басқаруды дамыту жөніндегі бағытын басқарады.

Бұрын Ұлттық инвестициялық корпорацияның бас директорының орынбасары қызметін атқарды, Al Falah Capital Partners құрамында жұмыс істеді.

Мұханбетжанов мырза КИМЭП бакалавры дәрежесі, Эдинбург университетінің Қаржы және инвестиция саласындағы магистр дәрежесі, сондай-ақ сертификатталған қаржы талдаушысы (CFA Charter Holder) дәрежесі бар.

Мартин Джозеф (Чип) Демпси III

Тәуелсіз директор

Демпси мырза қазіргі уақытта OCC Бас коммерциялық директоры болып табылады. Бұған дейін ол Morgan Stanley стратегиялық инвестициялар тобының атқарушы директоры болды, бұл топ фирманың атынан қаржы технологияларына және нарықтың жаңа құрылымдарына инвестициялады.

Демпси мырза Бостон колледжінде философия және экономика саласындағы өнер бакалавры дәрежесін алды.

Мақсат Қабашев

Тәуелсіз директор

«Қазақстан темір жолы» ҰК» АҚ төрағасының даму жөніндегі орынбасары. Оған дейін Қабашев мырза Kazakh Invest бас директоры, «Қазақстан темір жолы» ҰК» АҚ төрағасының орынбасары, Қазақстан қор биржасының бас директоры, сондай-ақ, «Қазақстан темір жолы» ҰК» АҚ вице-президенті қызметін атқарды.

Қабашев мырза Массачусетс технологиялық институтының іскерлік әкімшілік магистрі дәрежесіне ие.

Джонатан С. Истон

Тәуелсіз директор

Истин мырза халықаралық қаржы және активтерді басқару жөніндегі атқарушы директор болып табылады. Бұрын ол «Астана» халықаралық қаржы орталығының Басқарма төрағасының кеңесшісі, активтерді басқару жөніндегі компаниялардың негізін қалаушы, стартаптар саласында консультация берді, AMP Asset Management (қазіргі уақытта Janus Henderson Investors) және Schroders қоса алғанда, ірі ұйымдардағы активтер портфелін аға басқарушы болып жұмыс істеді.

Истон мырза Математика және статистика саласындағы бакалавр (үздік) дәрежесіне, Беркли Калифорния университетінің қаржылық инжиниринг саласындағы магистр дәрежесіне және Стэнфорд университетінің Жоғары бизнес мектебінің Басқару магистрі дәрежесіне ие. EDHEC бизнес мектебінің / EDHEC тәуекел институтының ғылым докторы дәрежесі бар, факультеттің және Актуарийлер институтының және Калифорниялық бухгалтерлер қоғамының мүшесі, баламалы инвестициялар бойынша сертификатталған талдаушы және Ұлыбританияның CFA қоғамының білікті мүшесі болып табылады.

Тимоти Беннетт

АХҚО Биржасы басқармасының төрағасы

2018 жылдың мамырында АХҚО Биржасының Басқарма төрағасы лауазымына тағайындалғанға дейін Тимоти Беннетт Жаңа Зеландия қор биржасының (NZX) басқарма төрағасы, бағалы қағаздар нарығы мен дериватиттер нарығының лицензияланған операторы болды. Ол Биржаның сауда және клирингтік жүйелерін ауыстыру мен жаңғыртуды, сондай-ақ Жаңа Зеландия қор биржасының Басқарушы қоры арқылы 23 биржалық инвестициялық қорды іске қосуды қоса алғанда, елеулі ұйымдық және нормативтік өзгерістер кезеңінде NZX басқарды.

NZX алаңындағы жұмыс кезінде Жаңа Зеландия үкіметі капитал нарығы елдің экономикалық өсуінің негізгі қозғаушы күшіне айналуы үшін бірқатар мемлекеттік кәсіпорындарды жекешелендірді. NZX-ке келгенге дейін Тимоти Беннет Азиядағы Oliver Wyman және Boston Consulting Group компанияларында серіктес болды. Оның консалтингтегі тәжірибесі Азия, Таяу Шығыс сияқты елдер мен олардың биржалары үшін стратегияларды әзірлеу мен капитал нарығын дамытуды, сондай-ақ деривативтер саудасына арналған нарықтарды, бірінші кезекте, темір рудасы нарығын дамытуды қамтиды.

Пенсильвания Университетінің Уортон мектебінің іскерлік әкімшілендіру магистрі және Веллингтондағы Виктория Королева университетінің сауда және әкімшілендіру саласындағы бакалавр дәрежесі бар.