Басқарма

Компания туралы

Басқарма

Ренат Бектұров

Басқарма төрағасы

Ренат Бектұров қаржылық қызмет көрсету саласында 10 жылдан астам жұмыс тәжірибесі бар, AIX бұрынғы қаржы жөніндегі басқарушы директоры. Бұған дейін АХҚО Әкімшілігінің активтерді басқаруды дамыту бөлімін басқарды, Қазақстан Ұлттық Банкінің Ұлттық инвестициялық корпорациясында Қазынашылықты басқарды.

Бектұров мырза сондай-ақ Қазақстанның Даму Банкінде жұмыс істеді және ТМД аймағындағы сукук алғашқы шығарылымы сияқты борыштық капитал нарығындағы бірқатар маңызды мәмілелерге қатысты. Ренат Президенттік жастар кадр резервінің мүшесі.

Ренат Лестер университетін үздік бітіріп, банк ісі және қаржы саласында магистр дәрежесін иеленді, сондай-ақ сертификатталған қаржы анадәрежесіне ие (CFA Charter Holder).

Жарас Мұсабеков

Қаржы жөніндегі басқарушы директор

Жарас Мұсабековтің қаржылық қызметтер саласында 10 жыл жұмыс тәжірибесі бар, ол АІХ-тің қор операциялары бағытына басшылық етті, «Қазақстан темір жолы» ұлттық компаниясының Қазынашылық департаментін басқарды.

Мұсабеков мырза сонымен қатар «Бәйтерек» ұлттық басқару холдингінде корпоративтік қаржы саласында жұмыс атқарды және Ұлттық қордың және республикалық бюджеттің қаражатын тартуға қатысты. Қазақстанның Даму Банкінің қызметкері болған кезінде Банктің сыртқы капитал нарықтарынан қарыз алуына қатысты, сол сияқты Банктің қазынашылығында жұмыс істеді.
Жарас еңбек жолын Делойт аудиторлық компаниясында қаржылық қызметтер департаментінде бастаған.

Л.Н.Гумилев атындағы Еуразия Ұлттық Университетінің қаржы бакалавры дәрежесіне ие.

Валерий Цой

Ақпараттық технологиялар жөніндегі басқарушы директор

Валерий-банк, FinTech, инновациялық IT-шешімдер және жалпы қаржы индустриясы саласында үлкен жұмыс тәжірибесі бар IT-менеджер.

Оның көптеген Еуропа елдерінде, сондай-ақ Қытай мен Қазақстанда белгілі халықаралық банктік және қаржылық компанияларда IT саласында кешенді шешімдер әзірлеу және IT басқару саласында 20 жылдан астам жұмыс тәжірибесі бар.

Қытайда қаржы компаниясының бас операциялық директоры және серіктесі бола отырып, жасанды интеллект пен деректердің үлкен жиынтығы негізінде операциялық тәуекелді басқару үшін инновациялық қаржылық IT-шешімдерді табысты енгізді.

Цой мырза CBRC (Қытайда банк қызметін реттеу жөніндегі комиссия) тарапынан атқарушы комитеттің мүшесі ретінде және NBK тарапынан Банк басқармасының мүшесі ретінде бекітілді.

Валерий Украина Мемлекеттік химия-технологиялық университетінің магистр дәрежесіне ие.

Оливье Гэрис

Операциялық мәселелер жөніндегі басқарушы директор

Оливье Гэрис биржалық индустрияда жиырма бес жылдан астам халықаралық жұмыс тәжірибесі бар, С деңгейдегі операциялар және тәуекелдерді басқару жөніндегі басшы болып табылады.

Осы уақыт ішінде Frontier (жоғары тәуекелді, тұрақсыз нарық) санатынан MSCI, FTSE және S&Р индекстерінде Emerging ( дамушы нарық) санатына көшкен Катар қор биржасының бас операциялық директоры ретінде еңбек еткен жеті жылдан кейін Гэрис мырза Қазақстанға келді, мұнда ол бастапқыда өңірлік қаржы орталығы ретінде AIX құру мәселелері бойынша АХҚО-ға консультация берді.

AIX және Катар қор биржасында жұмыс істегенге дейін Оливье Гэрис Turquoise MTF, Бостон опциондар биржасында (BOX), Австралиялық деривативтер биржасында (ADX) және Euronext Paris құрамында басшылық қызметтерін атқарды.

Гэрис мырза Пантеон Ассас университетінің (Париж II) құқық бакалавры дәрежесіне ие.

Евгения Богданова

Реттеу және Комплаенс директор (Директорлар кеңесіне есеп беретін Басқарма жанындағы бақылаушы)

Евгенияның 20 жылдан астам жұмысы халықаралық капитал нарықтарымен байланысты болды. AIX-ке келгенге дейін Евгения Renaissance Capital-да Инвестициялық-банк бөлімшесінің заң қызметін және Корпоративтік басқару тобын басқарды. Бұған дейін ол Мәскеуде White & Case-де акциялар мен облигацияларды халықаралық және жергілікті орналастыру; m&A мәмілелер; компанияларды қайта құрылымдау; ақпаратты ашу; листингке қойылатын талаптар; корпоративтік басқару мәселелері бойынша кеңес бере отырып, заң практикасымен айналысты.

Евгения МҚИ РҒА жанындағы Ресей Академиялық құқықтық университетін бітірді және өз мансабын Ресей Бағалы қағаздар нарығы жөніндегі Федералдық комиссиясында (кейінірек Ресей Федерациясының Орталық банкінің құрылымына енгізілген) бастады, онда ресейлік бағалы қағаздар нарығымен байланысты заң жобалау қызметімен, соның ішінде Ресейдегі шетелдік эмитенттердің борыштық бағалы қағаздарды тікелей шығаруды жүзеге асыруға мүмкіндік беретін нормативтік-құқықтық реформаны іске асырумен айналысты.

Әсел Мұқажанова

Нарықты дамыту департаментінің директоры

Әсел Мұқажанова еңбек жолын 1992 жылы «Тұран» Банкінің валюталық операциялар бөлімшесінде бастаған. Оның қаржы / банк қызметтері саласында 25 жылдан аса жұмыс тәжірибесі бар және АХҚО-ға келгенге дейін Әсели «Қазкоммерцбанк» АҚ-тың Атқарушы Директоры лауазымын атқарып, халықаралық банк ісі, капитал нарықтары, инвесторлармен қарым-қатынас, қосылу/жұтылу және стратегиялар мәселелеріне маманданған.

Әсел Мұқажанова халықаралық даму институттарынан қаржыландыру тарту, қарыздарды синдикаттау, стратегиялық инвесторларға акция сату, акцияларды жария орналастыру (ІРО), секьюриттеу, қосылу және жұтылу бойынша мәмілелерді қоса, бірқатар маңызды мәмілелерге қатысты.

Әсел Қазақ басқару академиясын «Халықаралық бизнес» мамандығы бойынша бітірген, Лондон және Гарвард бизнес-мектептерінде басшыларға арналған оқытудан өткен.

Мәлік Нишанбаев

Тау-кен өнеркәсібі департаментінің директоры

Мәлік Нишанбаевтың жеке секторда 20 жылдан аса жұмыс істеу тәжірибесі бар. Сонымен қатар халықаралық тәжірибесі де бар, атап айтқанда, ол Мьянмада Қытайдың ірі мемлекеттік инжинирингтік компаниясында консультация беруші болып жұмыс істеген, Торонто қор биржасында (TSX) листингі бар канадалық тау-кен өндіру компаниясында қаржы директоры лауазымын атқарған, Қырғызстанда алтын өндіруші юниорлық компанияда бас директор болған. АІХ-ке келгенге дейін көмір өндіретін қазақтандық ірі жария компанияда қаржы директоры лауазымын атқарды.

Білімі: MBA, TRIUM Global Executive MBA (Лондон экономика мектебі, Нью-Йорк университетінің Стерн Бизнес мектебі, HEC Paris); іскерлік әкімшіліктендіру бакалавры, Барух Колледж , Нью-Йорк Қалалық университеті, АҚШ.

Расул Хасанов

Бөлшек сауда инвестициялары департаментінің директоры

Расул Хасанов – технологиялар және инженерлік білім беру саласында 16 жылдық тәжірибесі бар продакт-менеджер. Оның жобалау-техникалық және бизнес-командалар мүмкіндіктерін кеңейту үшін кешенді технологиялар қолдану саласында ауқымды машықтары бар. Бұдан бұрын Хасанов мырза клиенттерді зерттеу мен деректерді талдау негізінде өнімнің даму стратегиясын әзірледі, жаңа өнімдерді басынан бастап ендірді және Kolesa Group , Альфа-банкте, Beeline және Kcell компанияларында маркетингтік коммуникацияларды басқарды.

Ұлттық техникалық университетті (Алматы, Қазақстан) киберқауіпсіздік саласындағы магистр дәрежесімен бітірген.

Елена Пак

Аппарат басшысы/Коммуникациялар жөніндегі директор

Аппарат басшысы ретінде Елена Пак әкімшілік және кадр мәселелеріне, сонымен қатар сатып алу процесіне жауап береді. Елена Пак АІХ командасына 2018 жылы қосылып, ішкі және сыртқы коммуникациялар бағытын басқарды және биржаның брендін құрды. Бұдан бұрын ол Қазақстандағы және Қырғызстандағы Ұлыбритания Елшілігі, «ҚазМұнайГаз» Барлау Өндіру» АҚ, «Самұрық-Қазына» ұлттық әл-ауқат қоры сияқты ұйымдарда әртүрлі лауазымдар атқарған. Сонымен қатар Елена коммуникациялар саласының кәсіпқойларына арналған PR Drive қазақстандық алғашқы онлайн-журналының негізін бірге қалаушы және бас редакторы болып табылады. Елена Манчестер университеті Бизнес-мектебінің магистратурасын бітірген (Инновацияларды және кәсіпкерлікті басқару), Корольдік Қоғаммен байланыс институтын және Лев Гумилев атындағы Еуразия ұлттық университетін бітірген.